شعر حلبنتيشي

يافضحتى

خَد مني اللي عايزو وخلى بيا
ولما رحتلو استفرد تاني بيا
ياحُستي ع اللي جرالي منه يا عنيا
اعمل إيه يا ناس حد يشور عليا
الفضيحة هاتبان وأبويا هيهدها عليا
أروح اعمل عملية زي البت شوقيه
ولا اهرب زي ما عملت البت فوزية
قلت ارحلو تاني يمكن يستر عليا
لآتو لم هدومه وسافر لدولة عربية
أمه قالتلي ده سابلك جواب ع الطبلية
لاتو بيقولى فيه ده اعتراف بخط أيديه
زى ما عملت في شوقيه وفوزية
عملت فيكى انت كمان يا علية
بتحسبو نفسكو ناصحين وهاتضحكو عليا
روحو اشربوا م البحر وقابلوني السنة الجاية
وقع الجواب من ايدي وأغمى أنا عليا
و على المستشفى نقلوني وعرفو إيه اللي فيا
أبويا ماستحملش ومات بالسكتة القلبية
و من الحتة طردوني والواد على ايدية
مش عارفة أروح بيه فين وبالفضيحة ديه
يـــــــــــــــــــــــافــــــضــــــــــــــحــــتـــى